نطالب بعودة الرئيس السابق حسني مبارك مرة أخري إلي الحكم
ارجع يا ريس قبل العيد عشان نعرف نقول عيد مبارك
ارجع يا ريس مش لاقيين اسم لمحطه رمسيس في المترو
ارجع يا ريس... تقريبا نسيت نور الصالون في القصر مفتوح
...ارجع لحسن شكلك هيبقي وحش قدام السادات و ناصر لما يسألوك مشيت ازاي؟
ارجع يا ريس.. وحشنا ابنك جمال
ارجع عشان ننزل التحرير تاني وناكل كنتاكي
ارجع.. بقوا يطبخوا ع الفحم في اسرائيل
طب ارجع يا ريس واللي اتفرم يتصلح
ارجع ياريس... شارع صلاح سالم بقالو كتير مابيوقفش
ارجع يا ريس دكاترة الضغط والسكر والقلب مش لاقيين شغل
طب ارجع عشان تامر حسني.. أو تامر أمين..
ارجع يا ريس انا بقيت بتكلم في السياسة براحتي
ارحمنا وارجع بقي...مين اللي هيغير اسم 620 الف مشروع ومدرسة باسم سعادتك؟
ارجع ياريس شكلنا هنبقي من الدول المتقدمة
ارجع بقي ده حتي هالة سرحان رجعت, يرضيك كده يعني؟؟
يا ريس ارجع انا خايف رغيف العيش يكبر وأنا ناوي اعمل دايت
ارجع بجد, دلوقتي لما مبيعجبناش وزير بيتغير, المسئولون اتبهدلوا من بعدك!
ارجع يا ريس, الإخوان بقوا بيطلعوا في التليفزيون الحكومي
طب بص.. بلاش انت ترجع.. بس جمال وعلاء ضروري يرجعوا قبل رمضان.. هنعمل الدورة الرمضانية ازاي من غيرهم؟؟؟؟
أرجع علشان طلعت زكريا يبطل يبكى على ابوه اللى هو انت
طب أرجع علشان عادل امام قال الريس عمل ايه علشان يتشتم هو مش عيش معنا
طب أرجع علشان زكريا واحمد عز امين الفساد فى الحزب الوطى الديمقراطى.
ياريس أرجع علشان عبدالرحيم الغول نفسه يموت وهو فى مجلس الشعب.
أرجع علشان شعار(من أجلك أنــــــــــت)
أرجـــــــــع ياريس كــــنــــــــا بنهزر مــــعاك
كتبـــهــــا
ضــيــاء أبــــو نــــحــــول
الأربعاء مايو 28, 2014 8:45 am من طرف samera.ragb
